Добре дојде на ЕКО!
Првата македонска едукативна платформа за обновливи извори на енергија
Која е целта на платформата?
ЕКО е едукативна платформа чија мисија е да овозможи едукација и информации од областа на обновливите извори на енергија. Нашата примарна цел е да ја доближиме темата за обновлите ресурси до најмладата публика на што е можно поинтересен и поедноставен начин.
Ние веруваме во моќта на знаењето и одржливите решенија. Токму затоа, нашата едукативна платформа е посветена на зајакнување на поединци како ти да го разберат и искористат потенцијалот на обновливите извори на енергија. Без разлика дали си ентузијаст за обновливи извори на енергија или љубопитен ученик, ЕКО е вистинското место за тебе!
Кликни на копчето доколку сакаш да дознаеш повеќе за нас.
Мислења на едукаторите за платформата
Како што нашиот свет се развива кон поодржлива иднина, онлајн платформите посветени на обновливите извори на енергија играат клучна улога во едукацијата и зајакнувањето на знаењата и вештините на поединците. Таква е и оваа платформа која е светилник на знаење и се обидува да понуди решенија за обновлива енергија. Тоа што е изработена од млади луѓе само ја зголемува нејзината вредност, но и вербата дека сепак нашата планета има иднина.
Ми се допаѓа оригиналната идеја и цел на едукативната платформа ЕКО, а тоа е преку интересно патување низ станици да се допре до младите за да научат и да се заинтересираат за темата обновливи извори. Пред сè, ми се допаѓа општествената одговорност, иновативноста и можноста за соработка со едукаторите, и нормално, тоа што нуди децата да го прошират својот видик во област која е доста развиена, се развива и која допрва уште многу ќе се развива.
Платформата ЕКО е иновативен пристап за споделување на едукативни содржини на македонски јазик, што на нас едукаторите навистина ни недостасуваше. Со нејзиното сестрано користење, како од страна на учениците, така и од едукаторите, се надеваме дека не само што ќе се поттикне интересот кај младите, туку и ќе се зголемува и свеста за важноста за изнаоѓање начини за користење на одржливите ресурси за добивање на енергија, кои веќе ни се достапни.
Дали знаеше?
Дали знаеше дека почетоците на користењето на обновливите извори на енергија датираат уште од пред неколку векови?
Најраните траги од користење на обновливите извори на енергија може да се забележат уште во античките цивилизации, каде што античките жители користеле ветар и вода за мелење жито и за наводнување на полињата. Меѓутоа, дури кон крајот на деветнаесеттиот и почетокот на дваесеттиот век се појавуваат првите големи ветерници и хидроцентрали, кои го означуваат почетокот на новата ера.
Обновливите извори на енергија се појавиле како резултат на еколошките предизвици предизвикани од фосилните горива. Светот почнал да сфаќа дека потпирањето само на конечни ресурси не е одржливо. Ветрот, сончевата, хидро и геотермалната енергија претставуваа поодржливи алтернативи кои гарантираат намалување на емисиите на стакленички гасови и стабилизирање на климатските промени.
Како што напредува технологијата, обновливите извори на енергија денес стануваат поефикасни и поекономични. Со тоа, светот е се поблиску до иднината каде одржливата, обновлива енергија ќе биде присутна во речиси секој аспект од нашите животи - од транспортот, секојдневниот живот, до индустриите.
Сакаш да научиш повеќе?
Доколку сакаш да дознаеш повеќе и дополнително да ги прошириш своите знаења за широк спектар на теми од областа на обновливите извори на енергија, тогаш нашата “Станица ПЛУС+” е вистинското место за тоа!
Од најновите откритија во соларната технологија до детални анализи на придобивките од хидроенергијата, нашиот блог нуди сеопфатна содржина за оние кои сакаат да дознаат повеќе. Покрај ова, ќе можеш да најдеш и практични совети за усвојување поеколошки начин на живот, интервјуа со експерти со областа на обновливите извори на енергија, како и уште многу други интересни содржини.
За да ја истражиш нашата “Станица ПЛУС+” кликни на копчето подолу!
Дали знаеш кои се различните видови на обновливи извори на енергија?
Обновливите извори на енергија доаѓаат од извори кои нема да се потрошат во текот на нашиот живот, како што се сонцето и ветрот. На пример, ветрот, водата и Сонцето се извори на обновлива енергија. Овие извори на...
Истражи ги придобивките од обновливите извори на енергија | дел 1
Турбините на ветер и соларните панели се сè почеста глетка. Но, зошто? Кои се придобивките од обновливите извори на енергија - и како тие го подобруваат нашето здравје, животна средина и...
Паметни градови и обновливите извори на енергија
Светското население постојано расте. Според САД, светската популација ќе порасне на 9,7 милијарди луѓе во 2050 година. До 2100 година, речиси 11 милијарди луѓе би можеле да живеат на Земјата. Овој брз пораст...
Придружи се на заедницата
Придружи се на нашиот Discord сервер и стани дел од нашата заедница. Со придружувањето на серверот ќе имаш можност за пристап до голем број вредни ресурси, дискусии на разни теми, како и комуникација со експерти од оваа област или пак твои врсници. Те очекуваме!
