Подготви се повторно да продолжиш со откривањето на возбудливиот свет на обновливите извори на енергија! Исто како што ја истражувавме магијата на сончевата енергија, овде патуваме низ светот на енергијата на ветерот.

Ветрот е уште еден обновлив извор кој ни го овозможува природата. Размисли како енергијата на ветрот би можеле да ја искористиме за осветлувње на домови и со тоа да придонесеме кон почиста околина! Овде ќе го разгледаме токму тоа!

Ајде да разгледаме како обновливата енергија на ветрот може да ни помогне да ја обликуваме иднината на нашата планета на подобро!

Како функционира енергијата на ветрот?

Дали некогаш си го почувствувал/а дувањето на ветрот низ твојата коса? Па, истиот тој ветер содржи неверојатна моќ - може да се претвори во струја! Создавањето на електрична енергија со помош на ветерот е како да ја фатите супермоќта на ветрот и да ја трансформирате во нешто неверојатно.

Големите, високи ветерници со нивните ветерни турбини се како вистински современи волшебници. Нивните перки се поврзани со голем генератор и на тој начин ја користат енергијата на ветерот и ја претвораат во електрична енергија. Создадената електрична енергија подоцна се користи во домовите, училиштата или кои било други објекти.

Процесот на создавање електрична енергија

Кога ветрот поминува низ перките на ветерниците тој предизвикува тие да се придвижат. Ваквото движење потоа ја претвора енергија на ветрот во кинетичка енергија (енергија на движење), која потоа се трансформира во електрична енергија што можеме да ја искористиме.

Сега, замисли колкава моќ има само една ваква ветерница! Перките на овие турбини можат да бидат долги дури и колку игралиште за кошарка, овозможувајќи им да создадат огромно количество на електрична енергија. Меѓутоа, најчесто на еден простор ќе сретнеш повеќе од една ваква ветерница! Функционирајќи заедно, тие имаат огромна моќ за производство на огромни количества енергија, доволна да се замени една централа која произведува електрична енергија од необновливите извори на енергија кои предизвикуваат загадување. Колку неверојатен изум!

Зошто енергијата на ветрот е толку интересна?

Веќе разгледавме како енергијата на ветрот носи низа предности. Ова значи дека ветерниците навистина ја имаат моќта на револуционерни изуми. Еве неколку причини зошто:

• Обновлива енергија:

Ветерната енергија е обновлив извор, што значи дека ветерот ќе продолжи да постои бесконечно. За нас, ова значи уште еден неверојатен извор за снабдување со електрична енергија создадена на еколошки начин!

• Намалување на јаглеродниот отпечаток:

Енергијата на ветрот ни помага да го намалиме нашиот јаглероден отпечаток, што е белег што го оставаме на животната средина. Ваквиот случај најмногу може да се забележи при користењето на необновливи извори за производство на енергија. Меѓутоа, користејќи ја моќта на ветрот, наместо да ја загадуваме, велиме: „Ајде да се грижиме за нашата планета!“

• Простор за иновации и креативни идеи:

Енергијата на ветрот ги инспирира инженерите и останати креативци да смислат нови начини да ја искористат нејзината моќ. Кој знае? Можеби токму ти можеш да ја крираш следната голема идеја за да ја направиш енергијата на ветерот уште поневеројатна!

Енергијата на ветрот - денес и во иднина

Погоди што? Енергијата на ветрот не е само далечен концепт - таа веќе прави разлика низ целиот свет. Ветерните електрани со низи ветерници произведуваат чиста електрична енергија на многу места каде што дува силен ветер постојано – ова се местата каде што произведувањето енергија со помош на ветрот функционира најмногу. Воедно, во нашата земјата има повеќе погодни места за производство на електрична енергија токму на ваков начин!

Светот на енергијата на ветрот секогаш се развива. Инженерите и научниците доаѓаат со возбудливи иновации, како што се уште поефикасни дизајни на турбини и подобрени методи за складирање енергија. Тие се на мисија да ја направат енергијата на ветрот уште посигурна и подостапна, со цел да биде што е можно повеќе користена во иднина.