7 јули, 2023
Дознај за Исланд - државата која најмногу користи обновливи извори
Време за читање ≈3мин
Имено, во 2023 според многубројни истражувања дојдено е до заклучок дека Исланд најмногу ја користи обновливата енергија. Исланд има изобилство на чиста, обновлива енергија благодарение на неговата географија и геологија која обезбедува и хидро и геотермални ресурси.
Во 20-тиот век, Исланѓаните ги искористија овие природни ресурси, важен фактор во помагањето да се трансформира населението од сиромашно општество зависно од јаглен во општество кое моментално ужива многу високи животни стандарди. Со оглед на тоа што 85% од потребите за примарна енергија се задоволуваат со обновливите извори на енергија, Исланд е во првите редови на одржливото производство на енергија.
Речиси целата електрична енергија во Исланд се произведува со користење на обновливи извори на енергија, при што 73% од електричната енергија ја обезбедуваат хидроцентралите и 26,8% доаѓа од геотермалната енергија, што претставува над 99% од вкупната потрошувачка на електрична енергија во Исланд.
Исланѓаните се пионери во користењето на геотермалната енергија за греење на просторот, при што 90% од исландските домаќинства се загреваат со геотермална вода. Чистата и достапна топла вода директно се носи од дупнатините до куќите преку цевководи. Останатите згради се загреваат со електрична енергија од обновливи извори.
Во центрите за посетители лоцирани на електраните во селата, граѓаните и посетителите може да дознаат за процесот на претворање на хидро или геотермална енергија во електрична енергија и како геотермалната вода се користи за загревање на просторот. Ова може да биде забавна и интересна активност за целото семејство. Изложбите често се интерактивни и покажуваат како се користи модерната технологија во енергетскиот сектор.
Заради обилната обновлива енергија која ја поседува и поволното деловно опкружување инвеститорите на Исланд сакаат и се трудат да го ограничат јаглеродниот отпечаток на енергетски интензивните капацитети, како што се топилниците на алуминиум.
Увезените фосилни горива сè уште се користат во транспортот во Исланд, бидејќи бродовите, авионите и автомобилите имаат тенденција да работат на конвенционална (нешто што не излегува од вообичаените правила и форми) енергија.
Сепак, сопственоста на електрични возила брзо расте и неодамна имаше големи инвестиции во инфраструктурата за полнење на електричните автомобили, со станици за полнење сега достапни насекаде низ обиколницата. Ова е во согласност со политиката на владата за намалување на зависноста на земјата од увезени фосилни горива.
Секторот за рибарски бродови, исто така, постигна значителен напредок со 43% помалку загадување во 2014 година од 1990 година. Ова во голема мера се должи на поефикасните бродови, системот на квоти и електрификацијата(другите начини на припремање и користење ги смениле со електрична енергија која е добиена од обновливи извори) на производството на храна со риба.
Користено: